logo-1.png
1
2
Previous
Next

Pizza Reseptləri

Marqarita

  • 6-7 dilim suluquni pendiri
  • 1 ədəd lavaş
  • 100 ml öz suyunda tomat
  • 1 xörək qaşığı reyhan yarpaqları
  • 1 xörək qaşığı kəklikotu
  • duz
  • istiot

Tavanı zəif ocağa qoyub qızdırın.

Lavaşın üzərinə öz suyunda tomat töküb yayın.

 

 

Pendir dilimlərini tomatın üzərinə düzün, reyhan yarpaqları səpin, duz, istiot və kəklikotu tökün. Pizzanı ehtiyyatla qızdırılmış tavaya yerləşdirin. Orta ocaqda 10 dəqiqə pendir əriyənədək bişirin.

 

Ocaqdan götürün və pizzanı boşqaba qoyub süfrəyə verin. Pizza hazırdır.

Tavada kartof pizzası

  • 3-4 porsiya üçün
  • 700 qr qabığı soyulmuş kartof
  • 2 ədəd yumurta
  • 2 xörək qaşığı un
  • 3-4 diş sarımsaq
  • duz
  • istiot
  • 3 xörək qaşığı xama
  • 1 çay qaşığı Dijon xardalı
  • 200-250 qr hisə verilmiş ovçu kolbasası
  • 2 ədəd orta ölçülü soğan
  • 1 şirin bolqar bibəri
  • 150 qr çerri pomidoru
  • 170 qr bərk pendir
  • bir neçə budaq yaşıl soğan
  • bitki yağı

Soğanları yarım halqa şəklində doğrayın və tavada yüngülcə bişirin. Doğranmış bolqar bibəri əlavə edib bir neçə dəqiqə bişirin. Doğranmış kolbasa da əlavə edib qarışdırın və ocağın altını söndürün.

Kartofu mətbəx kombaynından (və ya rəndənin iri gözündən) keçirin.

Əzilmiş sarımsaq, yumurta, un, duz və istiot əlavə edib yaxşıca qarışdırın.

Tavanı 2 xörək qaşığı bitki yağıyla yağlayın. Kartof qarışığını yağlanmış tavaya yayın, zəif ocaqda təxminən 5 dəqiqə bişirin. Bir qabda xama və xardalı qarışdırın. Pendiri rəndələyin və pomidorları yarı bölün. Tavada bişən kartofu çevirin və 2-3 dəqiqə sonra bişən kartofa xamalı-xardallı sous yaxın.

Bibərli-kolbasalı qarışığı sousun üzərinə yayın.

 

Yarı bölünmüş pomidorları  düzün, rəndələnmiş pendir və doğranmış göy soğan səpin.

Ocağı zəiflədin, tavanın qapağı bağlı pendir əriyənədək bişirin.

Dietik qabaq pizzası

  • 1 kq qabaq
  • 50 qr  pendir
  • 50 qr un
  • 3 ədəd pomidor
  • 2 yumurta
  • 1 ədəd toyuq döş əti
  • 1 ədəd yerkökü
  • ¼ stəkan süd
  • 1 baş soğan
  • 2 diş sarımsaq
  • Göyərti zövqə görə

Öncə  qabaqları halqa formasında doğrayın .Bir qabda yumurtanı çırpın, qabağı çırpılmış yumurtaya batırıb,daha sonra una bulayıb iki tərəfli qızardın.Bişən qabaqları yağını çəkməsi üçün kağız dəsmal üzərinə qoyun.Yerkökünü rəndənin iri gözündə rəndələyin,sarımsaqı xırda doğrayın, pomidorları halqavari ,soğanı da yarım halqa formasında kəsin. Tavanı və ya bişirəcəyiniz sinini yağlayın, 2 qat qabaq dilimlərini düzün.Üzərinə bişmiş və nazik doğranan toyuğun döş ətini düzün. Ətli qatın üzərindən soğan və yerkökü, daha sonra pomidor və sonra sarımsaq qatı ilə tamamlayın. Dietik pizzanın üzərinə pendir səpib südlə birgə çalınmış yumurta əlavə edib, göyərti səpin. Hazırladığınız pizzanı sobaya yerləşdirin və pendir əriyib qızılı rəng alanadək bişirin. 

Dietik badımcan pizzası

  • 1 orta ölçülü badımcan
  • ½  çay qaşığı duz
  • 10 yarpaq təzə reyhan
  • 1 xörək qaşığı zeytun yağı
  • ½ stəkan rəndələnmiş pendir
  • 2 diş sarımsaq
  • 1 ədəd yetişmiş pomidor
  • ½ çay qaşığı Provans ot qarışığı (mərzə, bibəriyə(rozmarin), reyhan, kəklikotu, adaçayı, nanə-cövhər, oreqanonun quru qarışığı)

Badımcanı yuyun və kənarlarını kəsin. Qalın dilimlər kəsin və soyuq duzlu suda bir neçə dəqiqəlik saxlayın. Sudan çıxardığınız badımcanları quruması üçün kağız dəsmal üzərinə sərin. Xırdalanmış sarımsaqları zeytun yağında tavada qovurun. Reyhan yarpaqlarını, duz, qabığı soyulmuş və kub şəklində doğranmış pomidorları da tavaya əlavə edin və suyu çəkilənə qədər bişirin. Badımcanları soba sinisinə aralıqlarla düzün. Üzərinə Provans ot qarışığı və zeytun yağı səpilmiş badımcanları öncədən 190 dərəcə qızdırılmış sobada 20 dəqiqə bişirin. 20 dəqiqə sonra badımcanların üzərinə pomidor sousunu və rəndələnmiş pendir düzün və yenidən 10 dəqiqə bişirin. Çox dadlı dietik badımcan pizzası hazırdır. 

Sulu Yemək Reseptləri

Balqabaq şorbası

  • 1 kq balqabaq
  • 100 qr düyü
  • 80 qr yağ
  • 2 ədəd baş soğan
  • Şəkər tozu
  • Duz
  • Balqabağı yaxşı yuyub, təmizləyin.
  • Kub şəklində doğrayıb su və ya bulyonda bişirin.
  • Bişmiş balqabaqları kəfkirlə əzin.
  • Daha sonra düyü ilə birlikdə qazana töküb bişirin.
  • Başqa bir tavada soğançanı hazırlayın.
  • Hazır olana yaxın soğançanı balqabaq olan qazana əlavə edin.
  • Ən sonda istəyə uyğun duz əlavə edin.

Südlü göbələk supu

  • 1 paket göbələk
    1 xörək qaşığı kərə yağı
    3 xörək qaşığı un
    1 stəkan süd
    4 stəkan su
    1/2 ədəd limon suyu
    Duz
    İstiot

1. Göbələkləri təmizləyin və kvadrat formasında doğrayın.
2. Doğranan göbələkləri limonlu suyun içində qaynadın
3. Sup qazanının içində kərəyağını əridin və un əlavə edib qovurun.
4. Unun rəngi biraz dəyişəndə üstünə südü yavaş-yavaş əlavə edin və tez-tez qarışdırın.
5. Göbələyi və suyu əlavə edin.
6. Duz və istiot əlavə edib, bişirməyə davam edin.
7. Qaynamağa başladığında ocağı söndürün, qazanın qapağını örtün, biraz elə qalsın.
8. Süfrəyə təqdim edərkən bir neçə göbələyi xirda doğrayıb, qızardıb supun üzərinə dekor olaraq əlavə edə bilərsiniz.

Qırmızı mərci supu

  • 1 stəkan qırmızı mərci
    1 ədəd soğan (xırda doğranmış)
    1 ədəd yerkökü (xırda doğranmış)
    1 ədəd kartof (xırda doğranmış)
    1 xörək qaşığı tomat (tomat pastası)
    6 stəkan su
    zövqə görə duz
    zövgə görə istiot (şorbanın acı olmasını istəyirsinizsə, bir az acı qırmızı pul bibər əlavə edin)
    1-2 qaşıq yağ

1. Yağı orta dərəcədə qızdırılmış tava qoyun üzərinə xırda-xırda doğranmış soğanları əlavə edin. Soğanın rəngi biraz dəyişənə qədər qovurun.
2. Daha sonra un əlavə edib zəif temperaturda qovurmağa davam edin.
3. Tomatı əlavə edib qovurmağa davam edin.
4. Xırda-xırda doğranmış yerköküləri və mərciməyi əlavə edin.
5. Üzərinə suyu töküb, qarışdırın. Mərci və yerkökülər yumşalana qədər zəif temperaturda bişirməyə davam edin.
6. Bişdikdən sonra əl blenderindən keçirin.
7. Duz və istiot əlavə edin (istəyə uyğun)

Üstü üçün (bu zəruri deyil və şorbanın süfrəyə verəndə gözəl görünməsi üçün edilir)
Kiçik bir tavaya 2 x. qaşığı kərə yağı və yaxud zeytun yağını töküb qızdırın. Üstünə 1/3 çay qaşığı qırmızı şirin bibər tozunu (paprika) əlavə edib, ocaqdan götürün.

Mərci supunu kasaya tökdükdən sonra üzərinə hazırladığınız qırmızı bibər sousunu əlavə edib, 1 dilim limonla süfrəyə təqdim edə bilərsiniz.

Toyuq şorbası

  • 1 ədəd toyuq
  • 100 qram düyü
  • 4-5 ədəd alça və ya gavalı
  • 2 ovuc noxud
  • 2 ədəd baş soğan
  • 1 dəstə şüyüd
  • Yağ
  • Zəfəran və ya sarıkök
  • Duz
  • İstiot
  • Toyuq bişən bulyonu süzün və düyü əlavə edib bişirin
  • Ona soğança qatılır, hazır olmasına 15 dəqiqə qalmış üstünə ayrıca bişirilmiş noxud, alça və ya gavalı qurusu töküb qaynadın.
  • Sonra bişmiş toyuq ətini və şüyüdü doğrayıb ona əlavə edin. 1-2 dəqiqə yenə bişirin.

Şirniyyat Reseptləri

Katalonski Konfeti

  • 100 qram ağ şokolad
  •  20 qram kərə yağı
  • 100 qram fındıq
  • 50 qram şəkər
  • 70 qram qara şokolad
  1. Qozu əvvəlcə tavada aşağı odda bir az qovurun. Sonra blendrlə xırdalayın.
  2. Şəkəri də tavada odda azca qovurun və üzərinə qozu əlavə edib qarışdırın və kənara soyumağa qoyun.
  3. Yenidən bu alınmış kütləni blendrlə xırdalayın.
  4. Ağ şokoladı kərə yağı ilə su vannasında əridin.
  5. Qozlu kütləni ağ şokolada qatıb yaxşı qarışdırın.
  6. Əllə kürə formasında şariklər hazırlayın.
  7. Içinə mütləq qoz qoyun. 10 dəqiqə buz dolabında saxlayın.Qara şokoladı su vannasında əridin və şokoladda fırladın. 15 dəqiqə soyuducuda saxlayın. Üstünü zövqə uyğun bəzəyə bilərsiniz

Kəsmikli Piroq “Zebra”

  • 400 qram marqarin 
  • 5 yumurta 
  • 300 qram şəkər 
  • 350 qram un 
  • 50 qram kakao 
  • 10 qram qabartma tozu 
  • 500-600 qram kəsmik 
  • 1,5 xörək q. nişasta1 paket vanil
  1. Xəmiri hazırlamaq üçün 200 qram marqarini 1 yumurta 150 qram şəkərlə mikserlə çalın. 350 qram unla qaratmanı qarışdırın və xəmirə əlavə edin. Xəmiri iki baalca və böyük olmaqla 2 hissəyə bölün. Böyük hissəsinə kakao qatın.
  2. İçliyi hazırlamaq üçün 500 qram kəsmiklə 4 yumurtanı, 200 qram marqarini, nişastanı  və 150 qram şəkəri mikserlə çalın.
  3. Hazrıladığımız ağ və qara xəmirdən barmaq qalınlığında lent formasında hissələr hazırlayın və ağ qara ardıcıllığı ilə yağlanmış soba qabına düzün. Üzərinə içliyi tökün.
  1. İçliyin üstündən yenidən ancaq qara xəmirdən lent formasında hissələr hazırlayıb düzün.
  2. Əvvəlcədən 180 dərəcə qızdırılmış sobada 1 saat bişirin

Moruqlu-Şokoladli Desert

  • 2 yumurtanın ağı
  • 0,5 su stəkanı şəkər
  • 30 qram tünd şokolad
  • 100 qram moruq
  1. Yumurtanın ağını mikserlə şişənəcən çalın.
  2. Şəkəri hissə-hissə yumurtanın ağına əlavə edin və mikserlə şalmağa dvam edin.
  3. şokoladı sürtgəcdən keçirin və bizeyə əlavə edin.
  4. Balaca porsion qablara bu deserti yığın və mikrodalğalı sobada 30 dəqiqə bişirin.
  5. Moruğu da blendrlə bir kütlə olanadək çalın.
  6. Sobadan desertləri götürün və soyuduqdan sonra başıaşağı nimçəyə boşaldın. Üzərinə moruq şirəsini tökün.
  7.  

Nağılsayağı Çiyələkli Rulet

  • Biskvit üçün
  • 4 yumurta
  • 100 qram şəkər
  • 20 qram kakao tozu
  • 1 paket qabartma tozu
  • 100 qram un
  • İçlik
  • 600 qram çiyələk
  • 250 qram 33 %-li qaymaq
  • 1 paket vanil
  • 1 su stəkanı cem
  1. Yumurtanı şəkərlə mikserlə çalın.
  2. Una kakao və qabartmanı qatın və yumurtaya əlavə edib qarışdırın.
  3. 30-40 sm ölçülü soba qabına qida kağızı qoyun və əvvəlcədən qızdırılmış 180 dərəcə sobada 10 dəqiqə bişirin.
  4. 3-4 çiyələk saxlamaq şərti ilə qalanlarını 3-4 hissəyə bölün.
  5. Çay dəsmalını nəm edin və biskviti onun üstünə qoyub rulet formasında dəsmal ilə birlikdə büküb kənara qoyun.
  6. Qaymağı şəkərlə mikserlə çalın. Üzərinə çəkmək üçün bir hissəsini kənara qoyun.
  7. Soyumuş bistvitin üzərinə cem çəkin və qaymağı, sonra da çiyələkləri yayın.
  8. Dəsmalın köməyi ilə biskviti ynidən rulet formasınfa bükün.
  9. Üzərinə qaymaqlı qarışıqdan çəkin və bütöv çiyələklə bəzəyin.

Menu

Əlaqə

Bizə “WhatsApp”da yazın

Bizi izlə

Instagram Facebook-f Youtube
© 2023 ekobomgroup.com.Bütün hüquqlar qorunur